تامر حبيب: "من ساعة ما دافعت عن شيرين وبيتقالي يا حرامي السيناريوهات"
تامر حبيب: "من ساعة ما دافعت عن شيرين وبيتقالي يا حرامي السيناريوهات"

قال السيناريست تامر حبيب، إنه تعرض لهجوم وسباب بألفاظ خارجة من الجمهور بعد دفاعه عن النجمة شيرين عبدالوهاب، فيما يتعلق بدعابتها في مهرجان قرطاج.

وكتب "حبيب" عبر حسابه على موقع التواصل الاجتماعي "فيسبوك": "من ساعة ما كتبت (بوست) بقول إني مش شايف إن شيرين عبدالوهاب غلطت خالص في دعابتها في قرطاج وهي على المسرح، وأنا بيجيلي رسايل من ناس بتشتمني والغريب إن كلهم بيقولولي يا حرامي السيناريوهات، وكأنهم حافظين المصطلح سوا، وكلهم برضه بيقولولي عمرو دياب سيدك إنت وشيرين".

وتابع: "طبعًا أنا بحاول أكون مؤدب ومنقلش كلامهم وشتايمهم اللي هما قايلينها، طيب هو أنا جبت سيرة عمرو دياب من قريب أو من بعيد؟، أنا شخصيًا بحب الراجل ومن جمهوره من قبل ما حضراتكم تتولدوا، واللي يعرفني عارف كده كويس وأولهم عمرو دياب نفسه، جميل إنكم تتحمقوا عشان خاطر نجمكم الكبير قوي، واللي هو أكيد أكبر وأكثر احترامًا من سبكم وألفاظكم النابية بس الأجمل إن يكون عندكم مخ وتمييز الأول".

المصدر : الوطن